1999
Riiiing riiiiing riiiiing… tunog ng bell. Hudyat ng lunch break. Uuwi muna ang mga estudyante sa bahay para kumain ng tanghalian.
Sa aking pagdungaw sa ledge mula sa second floor ng isang gusali ng Mababang Paaralan ng Tralala ay nakita kita. Nakita mo din ako. Parang scene na nangyayari lang sa isang romantic movie. Dahil biyernes nakacasual lang suot ng mga estudyante. Wala namang rule na casual Friday sa eskwelahan. Pasaway lang siguro ang mga bata kahit nuon pa. Ayun na nga, nagkatinginan tayo ng mga 1.5 na segundo. Sapat na oras para maasar ka sakin. Bakit? Ang suot ko, light na mint green na blouse. Ang suot mo, light na mint green na t-shirt. Shiet! Right? (Couple shirt bes) Sa dinami dami ng kulay sa mundo yung weird at hindi pangkaraniwang kulay pa ng damit ang isusuot mo/ko. At san nabibili un? Hindi yon uso. Sabay pa tayo. Parang meant to be noh? Parang sign.
Pero hindi.
Walang ganon.
After lunch, pagbalik mo sa school galing bahay, naka Puti ka na.